Iha lansamentu ne’e, Primeiru Ministru, Taur Matan Ruak, orgullu ho programa ne’e, tanba bele liuhusi lansamentu ida ne'e hamutuk hadi’a diversidade iha Timor-Leste.

"Ne'e ho orgullu boot no satisfasaun boot, ohin ita bele reuni iha ne'ebé atu hodi partisipa ba lansamentu nasionál ba Protesaun Sosiál husi tinan 2021 to'o tinan 2030 dokumentu ida ne'ebé mak pretende hodi kontribui ho medida prátika, efetivu, e konkreta ba  diversidade asumidu ba povu iha Timor-Leste no parseiru dezenvolvimentu husi nasional to'o Internasionál”, dehan Taur iha Has Laran, Manleuana, sesta (04/02).

Lansamentu ne'e realiza husi Ministériu Solidariedade Sosiál no Inkluzaun ne'ebé hetan Suporta husi Traballu Solidariedade no Seguransa Sosiál Portugál.

Iha momentu lansamentu ne'e sei renovasaun husi Programa Action ba organizasaun Internasionál do Traballu (OIT) finansia husi Governu Portugál ne'ebé mak sei apoia atividade durante tinan tolu, tanba ne'e mak Primeiru Ministru agradese ba individual  koletivamente ne'ebé kontribui ba baze Protesaun Sosiál Timorense.

"Agrdese ba apoiu Jenerisi ba apoiu hotu husi dosdor sira husi parseiru dezenvolvimentu ne'ebé kontribui iha nia prezensa hodi hadi’a serbisu dezenvolvimentu insititusionál”, afirma nia.

 Diretór Jerál MSSI, Rui Expostu esplika vizaun no objetivu husi ENPS tinan 2021-2030 Sei halakon kiak no promove dame iha rai laran.

"Ita hatene katak, tinan 10 mai ita sei halakon kiak prove dame garante asesu ba saúde edukasaun, garante kualidade ba labarik sira no vulnerável sira no ema ho difisiénsia no proteje hodi hasoru sosiál no ekonomia no seluk tan”, esplika nia.

Tanba ne’e, garante probema sosiál ekonomia iha Timor-Leste tomak vizaun estratéjia ne'e mak aplika iha periodu rua nia laran.

Iha objetivu primeiru iha área intervesaun territóriu ko'alia kona-ba habelar, apoiu grupu ne'ebé mak vulnerável liu no hadi’a sistema transferénsia osan nian.

"Aumenta apoiu ba nutrisaun sira, e polítika ida ne'e ita mós ligadu ho bolsa da mãe jerasaun foun, no ko'alia oituan mós kona-ba nutrisaun”, hatete nia.

Alende ne'e mós fasilita asesu saúde, edukasaun no haforsa prevensaun ba dezastre naturál no seguransa sosiál sira.

"Depois ita haree iha objetivu Segundu, kontinua dezenvolve seguransa ba traballadór sira, inklui traballadór sira ne'ebé ekonómia formál no agrikultór subsistensia hodi fó protesaun risku relasiona ho servisu iha situasaun vulnerável sira”, dehan nia.

Iha mós objetivu seluk subtopiku rua iha área intervensaun mak dezenvolve área seguransa sosiál kontributivu, no dezenvolve institutu Nasionál Seguransa sosiál sira. (*)