Insendiu ahi hán merkadu Manleuana, Suku Manleuana, Postu Administrativu Dom Aleixo, Munisípiu Dili, segunda (14/02) tuku 06:00 otl, uma ne'ebé Governu hari’i ba populasaun sira hamutuk 34 no uma adisional ida (1).
“Ami-nia presiza lalais mak husu atu hadi'a lalais ami fatin, ami bele fa'an fali kalau ami tur iha uma de'it ne'e sé mak fó hán ami para ami sustenta ami-nia nia moris, ba oan sira-nia eskola ida ne'e mak ami presiza ho ida ne'e ami presiza lalais hadi’a para ami mak fa'an fali”, dehan Leolinda ba jornalista sira iha fatin Insendiu Merkadu Manleuana, segunda (14/02).
Vítima Insendiu ne'e, hafoin akontese, vítima barak mak laiha fatin tanba iha Insendiu ne'e vendedór sira la toba iha merkadu laran no sasán de’ita mak rai hela.
“Ha'u-nia hanoin ohin dader kontese tiha hanesan ne'e bombeiru mai rega mak ami foin rona no ami mai haree ne'ebé ita atu ko'alia mós la di'ak, ha'u laiha ne'e ida antes atu hader mai, agora viziñu sira balun mak foka fali Manleuana mutuk ona, ha'u mai ha'u la hatene atu ko'alia saida”, haktuir nia.
Tuir informasaun ne'ebé www.tempotimor.com asesu husi Polísia Nasionál Timor Leste (PNTL) rekolla iha vendedór 35 mak ahi hán sira-nia sasán mutuk. (*)