Pedidu ne'e sai tiha ba públiku, ne'ebé tuir loloos labele ba tanba korespondénsia ne'ebé rezervadu mas buat ne'e sai ona.

"Ha'u rasik foti medida balun ona, medida prosesuál ne'ebé ke iha indísiu mosu krime ruma ne'ebé haruka ona ba Ministériu Públiku," dehan Deolindo dos Santos, iha Sabuli, Metinaro, Sesta (13/3).

Nia hatutan, alende haruka prosesu ba Ministériu Públiku, Tribunál rasik foti medida balun para atu halo averiguasaun, depois atu deskobre maizumenus atu ne'e bele akontese, nune'e mosu indísiu bele hetan dixiplinár.

"Hetan indísiu ruma karik ita bele halo prosesu dixiplinár, mas ida ne'e presiza ita hotu hein iha rezultadu mak ita ko'alia," dehan Deolindo.

Entertantu, pedidu Prezidente Repúblika, Francisco Guterres Lú Olo, ba Tribunál Rekursu atu asesu ba dokumentu partidu polítiku inklui koligasaun partidaria relasiona maibé dokumentu ne'e divulga husi pesoál balun iha média sosiál no hamosu espekulasaun oioin iha públiku. (*)