Covid 19 Hahoris Estadu Emerjensia, Tribunál Limita Servisu Justisa

Prezidente Tribunal Rekursu, Deolindo dos Santos ko'alia ba Jornalista sira hafoin sorumutuk ho Prezidente da Republika, Dr. Francisco Guterres Lu Olo iha palasiu Prezidensial (21/4) Prezidente Tribunal Rekursu, Deolindo dos Santos ko'alia ba Jornalista sira hafoin sorumutuk ho Prezidente da Republika, Dr. Francisco Guterres Lu Olo iha palasiu Prezidensial (21/4) Foto Midia PR

Tempotimor (Dili) - Durante implementasaun Estadu Emerjénsia relasiona Coronavirus Disease 2019 (Covid-19) maka tribunál limita servisu justisa nian.

Prezidente Tribunál Rekursu, Deolindo dos Santos hateten, hafoin Prezidente Repúblika dekreta Estadu Emerjénsia Tribunál mós deside limita servisu justisa.

"Situasaun Estadu Emerjénsia Tribunál funsiona ho forma ne'ebé limitadu, signifika Tribunál labele taka totál mas funsiona de'it ba prosesu sira ne'ebé tuir Tribunál sente urjente",  dehan nia, iha Palásiu Prezidensiál Nicolau Lobato, Bairru-Pité, Tersa (21/4).

Prosedu sira urjente mak hanesan prosesu arguidu pezu, iha sivíl mak prudensia kaultelar no prosesu sira ne'ebé juis sira konsidera iha perigu ba presegisaun ba prosedimentu kriminál bele iha konsikuénsia prega prova kona-ba julgamentu sira ne'ebé komesa ona.

"Mas prosesu seluk ne'ebé la'ós ho karakter urjénsia Tribunál la hala'o," tenik nia.

Deolindo hateten, mezmu ho forma ne'ebé limitadu tribunál nafatin atende ka fo prosesu justisa ba ema sira ne'ebé presiza desizaun.

Entertantu, Prezidente Repúblika Francisco Guterres Lú Olo dekreta Estadu Emerjénsia relasiona ho surtu Covid-19 ne'ebé validu durante fulan ida hahú 28 Marsu to'o 2Abríl 2020. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.