TR Indefere tan Fali Ona Rekursu Inkonstitusionalidade Rejimentu PN Husi CNRT

Tribunal Rekursu Timor leste iha Kaikoli Dili Tribunal Rekursu Timor leste iha Kaikoli Dili Foto Suplai

Tempotimor (Dili)- Tribunál Rekursu liu-husi juiz kolektivu sira, konkorda ona hodi la halo deklarasaun (indeferetan) ba inkonstitusionalidade rejimentu Parlamentu Nasionál artigu 15 núemru 2 no artigu 16 númeuru 1,2,3,no 4, ne’ebé antes ne’e bankada CNRT hatama, hodi kondena eleisaun ba Prezidente Parlamentu atuál husi FRETILIN Aniceto Guterres, katak, viola rejimentu liu-liu artigu sira ne’ebé mensiona iha leten.

“Juís koletivu sira husi Tribunál Rekursu, konkorda atu la halo deklarasaun ba inkonstitusionalidade husi artigu 15 númeru 2 no artigu 16 númeru 1,2,3, no 4, husi rejimentu Parlamentu Nasionál nian”, hateten notifikasaun husi TR ne’ebé Tempo Timor.com asesu.

Akordaun ne'ebe asina husi Juiz Koletivu ne'ebe inklui mos Prezidente TR, Deolindo dos Santos haruka ba Parlamentu Nasionál espesifikamente ba Prezidente Parlamentu Nasionál, deputadu rekerente sira, prokuradór Jerál Repúblika no publika iha loron 12 juñu 2020.

Entretantu, mosu konfrontasaun iha Parlamentu Nasionál iha tersa 19 maiu, rezulta Meza tohar hafoin Bankda PLP, FRETILIN no KHUNTO hatama pedidu distituisaun ba Prezidente Parlamentu Nasional Arão Noé de Jesus da Costa Amaral, maibé lakohi ajenda ba plenária.

Nune'e, haruka fali rekerimentu ida ba Vise Prezidente Parlamentu Nasionál na’in rua atu halo ajenda plenária, maibé, deputadu sira husi Partidu CNRT la fó fatin, ikus mai mosu dezintendimentu to’o sobu tiha meza Parlamentu Nasionál.

Ho ida ne’e, PLP, FRETILIN no KHUNTO halo hikas eleisaun ba Prezidente PN ne’ebé konsege hili duni Anicento Guterres ho apoiu husi PD.

Situasaun ne’e, halo CNRT hatama rekursu ba Tribunál, maibé, Tribunál indefere, inkus mai hatama hikas rekursu daruak, ne’ebé iha loron 12 fulan juñu Tribunál indefere hikas fila fali tan rekursu refere.

Parte balun kestiona desizaun TR relasiona ba rekursu sira husi CNRT ne'ebe sempre indefere hela de'it.

Hatan ba kesatun ne'e, jurista ne'ebe husu atu labele publika ninia naran dehan, "husik rms sira ne'e kestiona, maibe hare lee desizaun ne'ebe fundamenta tuir constituisaun ho rejimento PN ne'e."

Kona ba TR nia desizaun ida iha loron 12 fulan Juno 2020 jurista ne'e dehan, "uluk Sira (Deputadu) halo tiha ona no iha ona desizaun husi TR dhn bele halo destituisaun. Agora halo fali destituisaun dehan kontra fali constituisaun, ne'ebe tuir TR hare la kontra constituisaun."

 

Rate this item
(4 votes)
Last modified on Saturday, 13 June 2020 23:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.