PR Lú-Olo Preokupa Veteranu Balun Sai Broker

Prezidente Repúblika (PR) Francisco Guterres Lú-Olo. Prezidente Repúblika (PR) Francisco Guterres Lú-Olo. Foto Média PR

Tempotimor (Dili)-Hafoin desizaun Tribunál Distritál Dili (TDD) nian sai kona-ba kazu falsifikasaun dokumentu veteranu nian ne'ebé involve mós husi oknum veteranu balun, maka halo Prezidente Repúblika (PR) Francisco Guterres Lú-Olo triste, tanba involve iha falsifikasaun dokumentu veteranu nian.

Tuir Prokuradór Jerál da Repúblika (PJR) José da Costa Ximenes katak, PR espresa nia sentimentu triste ne'e hafoin PJR relata desizaun TDT nian ba PR kona-ba penalidade ba oknum vetarnu no veteranu faslu sira.

"Sua eselénsia PR Francisco Guterres Lú-Olo preokupa tebes ba kazu falsifikasaun dokumentu iha Komisaun Omenajem ne'ebé involve mós husi veteranu balun, ne'ebé halo nia laran triste mak, veteranu ida ne'ebé involve depois de luta libertasaun patria," dehan PJR iha Palásiu Prezidensiál bairru-pite, Dili, Segunda (19/10).

Nia mós afirma, ba preokupasaun sira ne'e, PR Lú-Olo husu ba Ministériu Públiku (MP) atu halo servisu ho imparsial no independente.

PJR mós afirma, "Veteranu sira ne'e la'ós veteranu falsu de'it, maibé ida mós veteranu duni, ne'ebé sai hanesan broker kee buka ema sira-nia naran ne'ebé sei suapende hela iha komisaun omenajem, buka no rekruta ema para ema nia oin iha ne'ebá, depoia mak ba simu osan," nia dehan.

Nia mós akresenta, veteranu ne'ebé sai broker ne'e naran Joquim, ne'ebé la'ós involve kazu primeiru, maibé involve kazu barak ona. Ho aktu inresponsabilidade ne'e, PJR dehan, naran veteranu ne'e sagradu no ema hotu tenke respeita.

Entretantu iha desizaun TDD nian ne'e absolve ema na'in rua ne'ebé servisu iha banku no na'in hiti seluk iha hela prizaun Becora.

"Ami halo hela rekurau ba sira na'in rua ne'e, tanba husi Komisaun Omenajem mós haruka dokumentu veteranu sira-nian ba banku no oinsa mak funsionáriu sira iha banku ne'e bele selu ema sira ne'e, kee hatene katak ema sira ne'e falsu, ne'e tenke cross chek ho dokumentu ne'ebé Komisaun Omenajem haruka ba banku," nia dehan.

Pena ba falsifikadór veteranu sira ne'e, tribunál mós sei ejize ba arguidu sira atu selu indeminizasaun sivíl ho valor prezuizu rihun $93.547. PJR mós afirma, veteranu sira ne'ebé gosta falsifika dokumentu, di'ak liu hadi'a lei hodi nune'e hasai tiha sira-nia direitu tanba falsifika dokumentu ne'e grave.(*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks