"Dadauk Estadu Emerjénsia sai kurtiña hodi taka metin tiha prosesu justisa ba krime fraude finanseira kona-ba prosesu pagamentu ba Ferry Haksolok”, dehan Reprezentante Bankada CNRT, Gabriel Soares, iha plenária PN, tersa (26/10).
Tanba ferry Haksolok ne'ebé tuir planu atu lori mai Timor-Leste iha fulan-Maiu tinan 2017, maibé to’o ohin loron para de’it iha Figueira da Foz, Portugal.
Iha situasaun ne'e, Ministériu Públiku no Komisaun Anti Korrupsaun mós deklara ba mídia katak Ferry Haksolok iha hela prosesu investigasaun, maibé ho Estadu Emerjénsia ida ne'e mak parte justisa sira sei fó prioridade ba de’it kazu importante sira.
Maibé, bankada CNRT dúvida, sé nune’e, será ké Krime Finanseira ba ferry Haksolok nian ne’e la’ós importante, tanba to'o agora autór sira ba krime ne’e fakar ona osan Millaun US$30 ba kompaña konstrusaun.
"Oinsá mak ferry Haksolok ne’ebé sai ona objetu krime tanba iha ona prosesu investigasaun kriminál nia laran maibé Governu de Faktu ida ne’e hasai tan osan Millaun IS£14 atu hahú fali konstrusaun ba ferry ida ne’e?”, kestiona nia. (*)