"Tan ne'e Ministériu halo hela preparasaun e oras ne'e halo submisaun ba ona iha Ministru Prezidénsia Konsellu Ministru atu haree nune'e bele fó ba ministériu sira atu fó sira ninia opiniaun depois ikus mai lori ba Konsellu Ministru aprova, atu nune'e bele sai lei e sai baze ba pagamentu subsídiu ba frontline mídia sira”, dehan nia iha plenária PN, tersa (26/10).

Pozisaun MAPKomS deside halo dekretu-lei ketak ba jornalista tanba sira la'ós funsionáriu públiku no sira hanesan jornalista ne'ebé mak halo servisu hanesan privadu entaun sira presiza lei ketak atubele regulariza sira-nia situasaun.

Maske, tinan kotuk (2020) jornalista sira hetan ona subsídiu frontline, maibé tinan ne'e (2021) deferente no presiza prepara hikas dekretu-lei ketak ida, no la'ós hamutuk ho dekretu-lei ida ne'ebé aprova iha fulan-agostu tinan 2021. (*)