TL iha Ona Makina Propiu ba Teste Covid-19

Ospital Nasional Guido Valadaers Ospital Nasional Guido Valadaers Foto Especial

Tempotimor (Dili)-Diretora Jerál Prestasaun Saúde-Ministériu Saúde, Odete da Silva Viegas hatete, daudauk ne'e Timor Leste iha ona mákina própriu hodi halo teste ba ema ne'ebé hatudu sintomas ba Corona Virus Deasses (Covid-19).

Diretora Odete dehan, kazu pozitivu Covid-19 ne'ebé iha semana hirak liu ba deteta bazeia ba teste ne'ebé halo iha Timor-Leste, hafoin haruka fali ba Australia hodi konfirma.

"Kona-ba teste ran nian ita bele hala'o tanba ita iha ona mákina rasik, hanesan foin lalais kazu ida pozitivu no negativu ne'e ita hala'o (teste) iha ne'e, ne'ebé 100% hatudu pozitivu no negativu, depois ita haruka ba konfirma iha Australia mós fila mai hanesan," dehan Odete iha Sentru Konvensaun Dili, Domingu (29/03/2020).

Diretora dehan, TL bele orgullu tanba iha ona laboratoriu ne'ebé bele halo teste ba Covid-19.

"Espesialista mikrobiolójia sira husi Australia, sira apoiu hela ita-nia tékniku laboratóriu sira no ita Timor-oan sira ne'ebé eskola iha duni laboratóriu hanesan señor Ismael no señor Ilidio, sira fila mai par apoiu laboratóriu," dehan Odete.

Ba oin, nia hatete, laboratoriu iha TL nafatin halo teste no sei kontinua halo konfirmasaun ba Australia.

"Só halo konfirmasaun mak bele haruka ba Australia maibé teste iha Timor de'it," nia dehan.

Rate this item
(0 votes)
Last modified on Thursday, 02 April 2020 20:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.