“Ita sira ne’ebé simu ona vasina AstraZeneca, iha posibilidade atu hetan fali vasina booster ba datoluk, ne’ebé ita bele uza sai dalan ida ikus atu la presiza administra fali vasina AstraZeneca maibé ita hein vasina booster”, dehan nia iha plenária Parlamentu Nasionál (PN), tersa (10/08).
Maske sidadaun lubuk ida mak simu ona vasina ne’ebé konjeladu, maibé laiha efeitu ruma ba sira-nia isin, ninia efikásia mak laiha tanba konjela ona.
Maibé, ho vasina ne'ebé at iha konjeladór, hakarak ka lakohi pesoál ne’ebé responsabiliza ba jestaun armajenamentu iha obrigasaun atu hataan.
Tanba ne’e, OMS husu atu komunika fali ba ema sira ne’ebé simu ona vasina konjeladu atubele hetan fali sira-nia doze tuir mai.
Nune'e mós, halo teste imunidade ba ema sira ne’ebé simu ona vasina ne’ebé konsidera a’at no bainhira iha imunidade di’ak, la presiza halo administrasaun seluk ba sira. (*)