"Atinjimentu ba Vasinasaun Covid-19 iha Munisípiu Manatuto ne'e rasik, ita agora atinje ona 40% ba primeiru doze no Segunda doze ita atinji ona 10/%”, dehan João Perreira liuhusi telfone, kinta (26/08).
Munisípiu Manatuto foin mak nia atinjimentu ne'e iha 40% no 10% tanba Komunidade sira asesu informasaun falsa barak liu iha média sosiál entaun sira tauk hakbesik-an ba sentru vasinasaun
"Hanesan ita hotu hatene katak la'ós de'it iha Manatutu mais kuaze iha Munisípiu hothotu ita iha enfrenta problema boot ida mak ita-nia komunidade sira ladun partisipa iha vasinasaun ho razaun ida fundamental liu ne'e mak dalaruma ema asesu informasaun sira iha mídia ho informasaun lalos ne'e barak liu entaun halo sira ladún fiar-an atu mai simu vasina”, afirma nia.
Mesmu iha problema sira hanesan ne'e maibé saúde sira sei esforsu nafatin, halo Kampaña no enkontru koordenasaun ho autóridade sira atu haree oinsá solusiona.
Koordenadora Jerál Covid-19 Ministériu Saúde, Odete da Silva Veigas, kongratula ba ekipa saúde munisípiu Manatuto nia nomós autoridade lokál sira tanba sira nia servisu hamutuk munisípiu Manatuto bele atinje ona 40% no 10%
"Agradese ba ita-boot sira-nia servisu hamutuk, espera ita-boot sira koordena malu di'ak ho komunidade sira, nune'e ita bele atinje ba pursentu ne'ebé ita hotu hakarak”, dehan nia. (*)
