"Kuaze tinan ida-resin ona ita-boot sira-nia problema ba komunidade ita-boot sira-nia atuasaun iha komparasaun hatudu rezultadu ne'ebé di'ak, komesa iha ona mudansa atu hadia”, hatete Adminitradór Atantes iha kuartel Komandu Munisipál Manufahi, segunda (15/11). 

Tanba membru ida atu sai organizadu presiza iha komandante ida ne'ebé mak di'ak atu lidera seguransa internal hanesan Polísia Nasionál Timor-Leste.

Nune'e mós Ofisiál Polísia Suku (OPS) durante ne’e komunga espiritu instituisaun Polísia nia hala’o servisu ho di’ak.

Nune'e Komandante Polísia Nasionál Timor-Leste, Superintendente Joni Viana das Regras, rekoñese katak durante ne'e iha duni fallansu maibé presiza koopera ho parte hotu atu hadia di'ak liután.

"Loos duni katak laiha ema ida perfeitu tanba ne'e dalaruma iha atuasuan sira ligadu ho prevensaun Direitu Umanu”, dehan nia.

Nune'e rekomenda ba membru PNTL sira hotu bainhira halo atuasaun ba problema ruma tenke bazeia ba lei.

Iha mós regra ba PNTL sira uza forsa maibé depende ba ameasa, maibé di'ak liu mak hamenus uza forsa maibé uza komunikasaun persuasive. (*)