“Relasaun ho programa ida naroman ba suku, la’ós programa ne’e ba iha ne'eba bainhira atu estabelese programa ne’e, primeru hahú uluk ho prezensa Governu nian iha ne’eba hodi diálogu ho komunidade sira, halo tiha diálogu pois mak foin haree posibilidade saida mak atubele halo iha parte suku ne’e ou suku sira ne’ebé presiza duni atu atensaun atu hari’i sentru de informasaun”, dehan nia iha Plenária PN, segunda (30/05).

Tanba pozisaun Governu hatete klaru ona atu estabelese programa ida ne'e ba Suku, primeiru pasu Governu sei tun ba suku hodi halo diálogu ho populasaun sira depois to'o ona rezultadu mós lá siknifika atu hari’i kedas sentru informasaun maibé presiza halo uluk profil husi suku ne'e nian.

“Entaun kuandu iha ne’eba bele ona mak foin halo profil suku ninian ikus mai halo sentru informsaun ho nia suku ne’ebé sei organiza husi joven na’in-sanolu (10) iha suku nia laran”, esplika nia.

Maibé ba suku sira ne'ebé konsege halo ona sentru informasaun mak automatikamente Governu sei oferese materiál ne’ebé mak suku ne'e presiza hanesan komputadór, leptop, mákina ka kamera ho tan mákina atu halo servisu iha Suku laran.

Aleinde servisu ida ne'e sei organiza-husi joven hamutuk na’in-10 hodi halo servisu fó sai informasaun Suku ninian no Governu mak sei fó asisténsia ba sira kada tinan, tuir kbi’it no tuir atividade sira ne’ebé sira halo.

Tanba parte Governu nian atu haree progressu husi parte sentru ninian, no sentru balun iha suku balun oras ne'e seidauk bele hetan materiál tanba sira seida’uk hari’i sentru informasaun sira-nia Suku.

“Nia prosesu mak hanesan ne’e ami esplika iha fase daruak primeru ba enkontru kuandu hari’i ona haree posibilidade halo tiha estuda la’ós ona ba hari’i ona mak foin tau sasán materiál sira ba suku iha ne’eba”, afirma nia. (*)