Tempotimor (Dili) - Hafoin evakua husi Sidade Wuhan-Xina, kondisaun estudante timoroan 17 ne'ebé karantina iha Whangaparāoa, Nova Zelándia, estudante sira ne'e negativa ba Corona virus. Tanba ne'e, iha tempu badak sei fila mai Timor-Leste.
Primeiru Ministru, Taur Matan Ruak hatete, kondisaun estudante timoroan 17 ne'ebé foin lalais governu Nova Zelándia evakua husi Xina relasiona ho vírus Corona, dadaun ne'e iha kondisaun di'ak no la indetifika sintoma Corona.
"Buat hotu di'ak hela no loron hira tan sira sei fila mai Timor," dehan Primeiru Ministru, Taur Matan Ruak, iha Palásiu Prezidensiál, Bairru-Pité ,Kinta (13/2).
Eis-Xefe Estadu ne'e akresenta, enkontru semanál ho Prezidente Repúblika, Francisco Guterres Lú Olo, koalia liu kona ba virus Corona ligadu ba kondisaun estudante timoroan 17 ne'ebé daudaun ne'e karantina hela iha Whangaparāoa, Nova Zelándia.
Antes ne'e, Governu Nova Zelándia evakua ona estudante timoroan 17 ne'ebé estuda iha Sidade Wuhan-Xina, iha loron Kuarta (5/2) no kontinua karantina iha Whangaparāoa, Nova Zelándia. (*)
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.comRelated items
in English
Popular
Error: No articles to display
.