PM: Sedu Liu Ko'alia Ezekusaun Duadesimu

Primeiru Ministru Taur Matan Ruak, ka'er liman ho Prezidente da Republika wainhira halo enkontru semanal iha palasiu Prezidensial (13/2) Primeiru Ministru Taur Matan Ruak, ka'er liman ho Prezidente da Republika wainhira halo enkontru semanal iha palasiu Prezidensial (13/2) Foto Midia PR

Tempotimor (Dili) - Primeiru Ministru, Taur Matan Ruak hateten, ezekusaun duadesimu fulan-Fevereiru sei la'o hela, nune'e Xefe Governu seidauk bele informa taxa ezekusaun kada ministériu.

"Fevereiru nian ne'e seidauk, sei sedu loos ita ko'alia iha nivel implementasaun nian," dehan PM Taur, iha Palásiu Prezidensiál, Bairru-Pité, Kinta (13/2).

Nia hatutan, antes ne'e iha fulan-Janeiru ezekuasaun duadesimu la to'o 50% tanba relasiona ho debate Orsamentu Jerál Estadu (OJE) tinan fiskál 2020.

"Ita diskusaun orsamentu to'o tiha iha klaran ona, dia 17 Janeiru, ne'ebé ita iha 10 dias de'it para halo implementasaun (ne'ebé) ladun di'ak," Taur akresenta

Entertantu, Governu liuhusi Konsellu Ministru aprova ona projetu deliberasaun orsamentu duadesimu ba fulan-Fevereiru ho montante US $116.449.057.

Espesifikasaun ba kategoria hirak ne'e mak hanesan saláru vensimentu US $17.852.076, bens servisu US $38.614.980.

Nune'e, ba transferénsia públika US $26.591.048 no kapitál dezenvolvimentu US $33.390.953. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.