Trabaladór Timor-oan iha Australia-Koreia sei Livre husi Covid-19

Diretór Jerál (DJ) Sekretáriu Estadu Formasaun Profesionál no Empregu (SEFOPE) Paulo Alves  fo intervista ba Jornalista Diretór Jerál (DJ) Sekretáriu Estadu Formasaun Profesionál no Empregu (SEFOPE) Paulo Alves fo intervista ba Jornalista Foto File

Tempotimor (Dili)-Maske Corona Virus Deasses 2019 (Covid-19) afeta ona nasaun hotu-hotu iha mundu, maibé to'o ohin loron governu seidauk rejistu Timor-oan sira ne'ebé serbisu iha rai li'ur, liu-liu Australia no Koreia Sul, pozitivu ba Covid-19.

Diretór Jerál (DJ) Sekretáriu Estadu Formasaun Profesionál no Empregu (SEFOPE) Paulo Alves hato'o novidade di'ak ne'e katak, to'o ohin traballadór Timor-oan sira iha Australia no Korea Sul sei livre husi Covid-19.

"Ita hotu hatene katak iha públiku, balun nia familia, feen, laen serbisu iha iha rai li'ur, sira dúvida tanba sira pániku ho situasaun ne'ebé akontese, maibé ami hakarak relata de'it katak grasa ba Maromak tanba to'o agora ita-nia traballadór laiha ida mak infetafu ho corona virus, tantu iha Australia no Korea do Sul," dehan Paulo Alves liu husi konferensia imprensa iha edifísiu SEFOPE, Tersa (31/03/2020).

DJ ne'e espera katak Maromak sei proteze Timor-oan hotu, liu-liu sira ne'ebé serbisu iha rai li'ur atu iha saúde ne'ebé di'ak nafatin.

Iha oportunidade ne'e, DJ Paulo husu mós ba familia sira atu kalma nafatin no karik simu informasaun ruma bele konfirma direita ho SEFOPE.

"Familia sira ne'ebé iha Timor mak iha informasaun ruma bele mai konfirma direta ho SEFOPE par ita mantein kontaktu ho ita-nia adidu sira iha nasaun rua ne'e," dehan Paulo.

Entretantu, tuir dadus husi SEFOPE, trabaladór Timor-oan ne'ebé dadauk ne'e serbisu iha Australia na'in 1.201 no na'in 2.777 mak serbisu iha Korea Sul.

Rate this item
(1 Vote)
Last modified on Wednesday, 01 April 2020 07:02
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.