PNTL Baukau La Rejista Krime Durante Estadu Emerjénsia

Komandnate PNTL Baukau, Superintendente Xefe, Hermenegildo iha konversa ruma Komandnate PNTL Baukau, Superintendente Xefe, Hermenegildo iha konversa ruma Foto suplai

Tempotimor (Baukau) - Komandante Polisia Nasionál Timor-Leste (PNTL) Munisípiu Baukau, Superintendente Xefe Hermenegildo da Cruz hateten, sira seidauk rejistu krime durante implentasaun Estadu Emerjénsia.

"Ita seidauk rejista kazu ruma relasiona ho violasaun durante Estadu Emerjénsia," dehan nia, iha knaar fatin Baukau, Segunda (20/4).

Hermenegildo esplika, espesifika ba Estadu Emerjénsia dekretu Governu nu 3/2020 ne'e fó polisia nia papel ida mak atu eduka no fó hanoin nafafin povu.

Tuir nia, Munisípiu Baukau populasaun sira ne'ebé matenek, komprende aas, hahú primeiru semana to'o agora ema hotu kumpre Estadu Emerjénsia, inklui kolaborasaun husi entidade hotu hanesan Igreja, veteranu, ema sivil, no emprezariu kontribui mai sentru intergradu," dehan Superintendente Xefe Hermenegildo da Cruz.

Nia hateten, Komandu Munisipiu Baukau aleinde konsentra ba prevensaun kombate Covid-19, PNTL mós halo nafatin vizilansia ba kazu sira normal karik akontese.

Nune'e, kooperasaun di'ak ho komunidade sira iha área kosteiru atu nune'e pasa informasaun karik iha ró ruma atraka ilegalmente prevene mós ida ne'e. 

 

PUBLISIDADE

Rate this item
(0 votes)
Last modified on Tuesday, 21 April 2020 08:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.