"KM aprova tiha ona projetu Dekretu-Lei, ne'ebé aprezenta hosi Ministra Soliedariedade Sosial no Inkluzaun (MSSI) Armanda Berta dos Santos, kona-ba apoiu monetáriu ba agregadu familiar sira iha ámbitu pandemia covid-19," dehan iha komunikadu imprensa KM nian ne'ebé hala'o reuniaun iha edifisiu Ministériu Finansas Aitarak Laran Dili, (23/04)

Iha komunikadu ne'e mós esplika katak, asaun ne'ebé governu halo, nu'udar medida kurtu prazu nian.

"Medida ida ne’e nuudar intervensaun ida ba kurtu prazu nian, hodi enfrenta impaktu prejudisiál, Iiuhusi meiu subsistánsia ba familia ne’ebé nia rendimentu kiik iha territoriu Iaran tomak, tan provoka hosi covid-19," sita iha KM nia komunikadu.

Entretantu ema ne'ebé sei sai benefisiáriu mak agregadu familiar ne'ebé rejista hotu ona.

"Ema sira ne’ebé sai nuudar benefisiáriu maka agregadu familiar sira ne’ebé kompostu hosi pelumenus sidadaun ida, ne‘ebé rejista ona to’o Ioron 31 marsu 2020 iha Livru Rejistu " Uma Kain” no iha familia ne’e nia Iaran nia elementu ida fulan-fulan no regular simu osan boot Iiu US$ 500 dolar amerikanu," sira iha KI

Apoiu ne'ebé governu fó ba agregadu familiar sira, kada fulan sei hetan US$ 100.

"Fulan-fulan agregadu familiar sira sei simu osan US$ 100 dolar amerikanu. Nune'e, pagamentu sei hahú hosi fulan tuir mai hafoin aprova tiha diploma ida-ne'e no kustu hotu sei finansia hosi fundu covid-19," esplika iha Komunikadu Imprensa ne'e.