Tuir Fetosa-Umane, Naimori Husu Deskulpa Ba Rigoberto

Konselleiru Maximu partidu KHUNTO, Jose dos Santos Naimori, ko'alia ba jornalista sira iha sede partidu KHUNTO iha Manleu-Ana, Dili (30/4) Konselleiru Maximu partidu KHUNTO, Jose dos Santos Naimori, ko'alia ba jornalista sira iha sede partidu KHUNTO iha Manleu-Ana, Dili (30/4) Foto Tempo Timor

Tempotimor (Dili) - Konselleiru Másimu Partidu Kmanek Haburas Unidade Nasionál Timor Oan (KHUNTO) husu deskulpa ba Sekretáriu Jerál interinu Partidu CNRT, Jacinto Rigoberto tanba relasaun fetosa-umane.

"Ba maun Rigoberto ha'u husu deskulpa, ita-nia deputada Olinda ne'ebé ko'alia sala, ida ne'e kala nervozu, depois ita mós haree ba nia idade, ita hatene kle'an durante nia iha PN," dehan Naimori, iha nia rezidensia, Manleuana, Kinta (30/4).

VIDEO PUBLISIDADE APELU HUSI PM TAUR APLAUS BA FRONT LINE

 

Nia dehan, husu deskulpa la'ós tanba Partidu CNRT no KHUNTO maibe entre Naimori no Jacinto sei iha ligasaun familia nu'udar fetosa-umane.

Entretantu, Deputadu Luis Roberto mós lori Partidu KHUNTO nia-naran husu deskulpa ba Sekretáriu Jerál interinu Partidu CNRT, Jacinto Rigoberto.

"Ba sidadaun ne'ebé ami nia deputada temi nia naran, ha'u husu deskulpa, maibé la taka dalan ba ema refere hodi la'o tuir prosesu legál ne'ebé la'o iha Timor Leste," dehan Luis. (*)

 

Rate this item
(0 votes)
Last modified on Saturday, 09 May 2020 14:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.