Bele Buka Osan, Mais Tenke Kumpre Regras EE

Ministru Transporte Komunikasaun, Jose Agustinho da Silva ko'alia ba Jornalista sira iha Palasiu Governu (11/5) Ministru Transporte Komunikasaun, Jose Agustinho da Silva ko'alia ba Jornalista sira iha Palasiu Governu (11/5) Foto Tempo Timor

Tempotimor (Dili)-Ministru Transporte no Komunikasaun (MTK) Jose Agustinho da Silva husu ba transporte públiku sira ne’ebé hala’o movimentu buka pasajeirus atu kontinua kumpre regras estadu emerjensia (EE) relasiona ho prevensaun Covid-19.

Ministru José dehan, governu autoriza ona transporte públiku atu hala’o fila fali sira-nia atividade, maibé tenke kumpre rekezitus ne’ebé Ministériu Saúde no Sentru Integradu ba Jestaun Krize (SIJK) estabelese ona.

Nia esplika, transporte públiku sira tenke hatuur distansiamentu sosial no ijiene pesoal.

 

VIDEO PUBLISIDADE APELU HUSI PM TAUR APLAUS BA FRONT LINE

 

 

“Bele hala'o atividade buka moris, maibé tenke kumpre regras ne’ebé hatur ba ema hotu nia di’ak," dehan Ministru ne’e iha palasiu governu, Segunda (11/05).

Nia hatete, regras EE faze daruak hatuur no públika ona iha jornal republika tan ne’e, transporte públiku sira tenke kumpre.

Ministru ne’e husu ba Timor-oan hotu-hotu atu iha konsensia hodi kumpre regras ne’ebé estabelese ona.

"Fiar katak Timor-oan ne’ebe hala'o operasaun transporte públiku (hanesan) bus, mikrolete, angguna, no taxi kumpre regras ne’ebé mak governu hatuur ona .

PUBLISIDADE 

 

PUBLISIDADE 

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.