"Meza PN forma ona komisaun atu prepara ba serimonia rituál ne’e, se meza ida rahun ne'ebá ne'e klaru katak tenke halo meza foun ida, atu bele tau netik iha ne'ebá atu nune'e, prezidénsia ho komponente meza tomak ne'e bele okupa fatin ida iha ne'ebá, hanesan baibain," dehan PPN Aniceto Longunhos Guterres Lopes iha Palásiu Prezidensiál bairu-pite Dili, Kuarta (03/06)
Nia afirma, ko'alia kona-ba kultura la'ós ko'alia hanesan baibain ka fasil, maibé tenke tuir nia regra.
"Kona-ba rituál sira, ita nia kultura timor nian ne'e, la'ós hanesan ita ko'alia ba mai fasíl los ne'e, maibé tenke la'o tuir ninia regra, entaun ne'e sei lori tempu oitoan, maibe ami inísia ona hodi halo preparasaun ba iha ne'ebá no sei taka ho rituál kulturál nomós rituál relijiozu," dehan Aniceto
Lider PN ne'e dehan, serimónia ikus liu mak sei iha rituál relijiozu ninian, entaun PN sei ko'alia ho amu Bispu atu nune'e bele hatudu Padre pároku ruma, atu bele fó bensaun depois de serimónia kulturál nian.