“Ha'u husu disponibilidade Prezidente Repúblika Lú Olo atu ba halo abertura ba terseira sesaun lejizlativa iha loron 15 Setembru fulan oin no Prezidente Repúblika hatán,” dehan Aniceto, ba jornalista sira hafoin remata audiénsia ho PR, iha Palásiu Prezidensiál Bairru-Pité, Segunda (17/08).

Nia afirma, lori konvite ba PR Lú Olo aprezenta mós servisu PN nian ne'ebé la'o durante fulan tolu nian ba PR.

“Ami ko'alia kona-ba perspetiva ba oin, perspetiva Parlamentu Nasionál ninia planu nia prioridade sira ba oin,” dehan nia.

Aniceto akresenta, durante PN funsiona mak konsege aprova ona lei balun, inklui hala'o knaar PN nian hanesan lejizladór no fiskalizadór, inklui deliberasaun ne'ebé importante mós mak autorizasaun Estadu Emerjénsia.

“Servisu administrativu mós la'o, agora sei iha resesu hela hanesan tuir kalendáriu estadu, kalendáriu PN nian hanesan baibain 15 Setembru tenke hahú fali ona sesaun lejizlativa foun,” Aniceto hakotu. (*)