Deskonfia CSP Halo A'an VIP: VMI 'Husu' Komjer Aplika Disiplina ba PNTL

Vise ministru interior, António Armindo konversa ho Komandante Jeral PNTL, Komisariu Faustino da Costa bainhira vizita fatin konstrusaun edifisiu Kuartel Jeral PNTL iha Kaikoli Dili, Kuarta (21/10) Vise ministru interior, António Armindo konversa ho Komandante Jeral PNTL, Komisariu Faustino da Costa bainhira vizita fatin konstrusaun edifisiu Kuartel Jeral PNTL iha Kaikoli Dili, Kuarta (21/10) Foto Tempo Timor

Tempotimor (Díli) - Governu liu hosi Vise-Ministru Interiór (VMI), António Armindo 'haruka' ka orienta atu Komandante Jerál PNTL, atu aplika disiplina ierarkiamente ba membru PNTL sira, liu hosi Default Message.

António Armindo ne’ebe akompana husi  eis komandante PNTL ne'ebe agora hakna'ar nu'udar asesor, Paulo Martins, ba Komisariu PNTL Faustinho da Costro ho ninia Vise Mateus Fernandez, nia akresenta, aplikasaun disiplina ne'e, foka liu ba lor-loron bainhira ajente hetan Komandante Sesaun, Politaun to'o Komisáriu, importante tenke kumprimenta no halo kontinénsia.

"Ita ko'alia kona-bá disiplina, ita ko'alia kona-bá oinsá mak Komisáriu nain rua ajuda, halo Default Message ba membru hotu-hotu, kona-bá disiplina," dehan António Armindo, iha Kuartel Jerál PNTL Caicoli, Díli, kuarta (21/10).

Governante ne'e hatutan, regras  disiplina ne'ebé PNTL iha, aplika mos ba Korpu Seguransa Pesoál (CSP: sigla Portugés) sira ne'ebé, halo eskoltu ba VIP sira, bainhira hasoru Komisáriu, Komandante Sesaun to'o Politaun inklui membru governu presiza kumprimenta no kontinénsia. Nune’e apela ba CSP sira labele sente a’an hanesan mos VIP.

"Sira (CSP) kuandu ba eskoltu VIP sira, la signifika katak, sira-nia nível hanesan ho VIP, kuandu sira hetan komandante, membru governu sira, komandante sesaun ba to'o Komisáriu, sira tenke kontinénsia," dehan António.

Iha biban hanesan vice ministru husu atu komisariu nain rua Hamutuk ho vice Ministru hodi trasa planu ba treinumentu referesaun/refreshment training ba membru sira inklui membru CSP sira neebe mak agora eskoltu VIP sira liu liu sira neebe mak eskoltu lider historiku sira konaba standar profesional hanesan membru PNTL laos membru sai fali hanesan tia VIP ka membru  politiku.

António hatutan objetivu hasoru Komisáriu PNTL, atu fó hanoin ba Komandante hotu-hotu, Komandante unidade, atu hato'o mensajem disiplina ba to'o membru hotu-hotu no messagem ne'e bolu, Default Message, atu nune'e lor-loron iha formatura.

"Komandante sira tenke fó hanoin nafatin katak, orientasaun hosi Komisáriu mak ko'alia kona-bá disiplina, étika servisu, ko'alia kona-bá oinsá mak ita hakruk ba ita-nia ierarkia," hakotu António.

Alende ne'e, atu ordem ka regulamentu disiplinar PNTL nian nee la'o ho efetivamente no rigór, Komandante Polísia Munisipais, Unidades, Diretór Departamentu no Eskuadra sira iha dever hodi fiskaliza ativamente implementasaun, prátika no asaun. Bainhira membru sira la kumpri ordem ne'ebé estabelese ona, mak Komandante Polísia sira sei foti medidas, hodi aplika sansaun disiplinar, tuir kompeténsia Komandu ida-idak nian.(*)

Rate this item
(2 votes)
Last modified on Thursday, 22 October 2020 08:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2020 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Tempo Timor Networks