“Programa sesta bázika ne'e SEKoop responsábiliza munisipiu hitu, no ida ne’e ba munisípiu Kovalima, depois sei da’et mós ba munisípiu sira seluk. SEKoop hili fatin ida ne'e tanba sentru produsaun ne'e barak liu iha suku ne'e, ho suku rua ne’ebé besik malu. Sei konklui kada postu depois mak sei ba postu sira seluk”, Sekretáriu Estadu Kooperativa (SEKoop), Elizário Ferreira hateten lia hirak ne’e ba jornalista iha suku Tazhilin, postu administrativu Zumalai, munisípiu Kovalima sábadu (07/11).

Elizário esplika, objetivu prinsipál husi distribuisaun kabás ne'e atu rekopera fila-fali komunidade iha área rurál ninia kondisaun sósiu-ekonómiku no família nian.

Entretantu, munisípiu hitu ne’ebé SEKoop responsabiliza mak hanesan Ainaro, Manufahi, Aileu, Manatutu, Likísa, Lospalos, ho nia lansamentu ba dahuluk hala'o ona iha munisípiu Kovalima.