“Politika defeza no kooperasaun internasionál, kna’ar-rua ne’e todan, presiza servisu maka’as. Ha’u la’ós la fiar imi. Maibé, atu dezafia imi, tanba ne’e ha’u enkoraja emposadu sira atu haree asuntu ne’e ho di’ak”, António Freitas hateten durante diskursu iha serimónia pose ne’ebé hala’o iha kuartél Jenerál Fatuhada, segunda (09/11).
Nia husu ba Ministru Defeza atu akompaña funsionáriu sira bele hala'o prosesu sira hotu bele realiza ho diak.
“Ba emposadu sira misaun todan ida ba imi, maibé ha’u hanoin kargu tolu ne’e presiza avansa”, nia hateten tan.
Iha fatin hanesan Ministru Defeza Filomeno da Paixăo de Jesus hateten, dirijente na’in ualu (8) ne’ebé simu ona pose, kompostu husi sub-inspetóra ida, gabinete jurídika ida no diretór nasionál na’in 6.
Entre sira ne’e, nia dehan, bazeia ba méritu, no MD propoin ba iha Funsaun Públika, no sira hamutuk hodi halo konkursu ba emposadu sira no nia rezultadu mak simu ona pose.
“Ohin ita hotu rona, Komisaun funsaun públika bolu atensaun ba sira, kestoens polítika internasional nian, diretór rua ne’ebé ke toma konta polítika internasionál tenke aprende barak halo koordenasaun di’ak ho servisu sira seluk”, nia dehan.
Tuir nia, servisu ida polítika internasionál delikadu oitoan kompara ho servisu seluk, sira bele la’o bebeik ho MNEK hodi bele haree situasaun kona-ba diplomásia ho parseiru dezenvolvimentu sira, haree parseiru sira iha rejionál ho mundu tomak.
“Ida ne’e mak bolu atensaun mós, hadi’a iha parte lojístika, ohin komisáriu funsaun publika mós bolu atensaun ba uzu de bens estadu ne’e ita uza ho profesional, uza tuir buat ne’ebé lei hatete”, nia mos bolu atensaun.
Alende ne'e, ko’alia mós kona-ba, aprovizionamentu nian atu nune’e halo buat hotu-hotu tuir prosediementu, no sempre husu opiniaun ba iha parte jurídika.
Kargu subinspetóra asume husi, (Dilia Helena Auxiliadóra de Sousa), Diretór Nasionál Rekursu Umanu, asume husi, (Francisco Robeiro Brites), Diretór Nasionál de Polítika da Defeza (Lídia Pires), Diretór Nasionál
Kooperasaun Internasionál (Fortunato Domingo Ximenes), Diretór Nasionál ba Administrasaun no Finansa (Martinho Soares Moniz), Xefi Gabinete ba Kargu ekipara ba Fins Saláriais no Diretór Nasionál (Francisco Amaral da Silva), Diretór Nasional Jestaun Patrimóniu (Amaro Camões Mau Loco), no Justino Filomeno da Costa Martins ba kargu Diretór Nasionál Aprovizionamentu.