"Lei intrepretasaun balun ita hare ses hela oitoan, entaun hakarak ko'alia ho Primeiru Ministru atu bele hetan solusaun, liu-liu kona-ba dekretu-lei numeru 7/2018 artigu 48, ko'alia bele hetan apoiu subsidiu ruma ba konsellu kombatente libertasaun nasionál. Karik liu-husi gabineti primeiru ministru, maibé ministeriu iha hela tenke ko'alia oinsa ami bele rezolve ida ne'e iha tempu hirak tuir mai," Oan Soru hateten lia hirak ne’e, hafoin hasoru-malu ho Primeiru Ministru Taur Matan Ruak iha palasiu governu, Kuarta (11/11).
Nia hateten, iha hasoru-malu ho primeiru ministru hodi ko'alia kona-ba lei no knaar kompetensia balun ne'ebé loloos ministeriu Asuntu Kombatentes Libertasaun Nasional mak implementa.
Kona-ba solusaun, nia hatutan, primeiru ministru fó lai hanoin ruma iha loron hirak nia laran mak bele iha solusaun, daudaun ne’e solusaun seidauk iha.
"Maibé, surat pedasuk ruma mosu ona ba ami, entaun ha’u mai fali ita boot sira dehan solusaun mak ida ne'e, mas ohin ne'e mai ko'alia atu atu hetan solusaun soke labele informa uluk solusaun, tanba seidauk iha solusaun," Oan Soru deklara.
Maski nune’e, nia dehan, hakarak ou lakhoi konsellu veteranu iha estrutura ne'ebé mak eleitu iha konferénsia munisípal kongresu nasionál hodi hare ba atividade konsellu veteranu nian iha timor laran tomak, difikuldade no problema ne'e barak tebes, maibé fazeadamente sei haree solusaun.