“Konforme informasaun ne'ebé maka fó husi tékniku sira, katak, maizu-menus 97% atinje ona. Katak torre rasik loos hotu ona, maibé iha ninia kraik sei presiza atu monta tan buat balun hodi proteze torre nee bainhira iha rai lakan,” Francisco Martins da Costa Pereira Jerónimo hateten ba jornalísta sira iha PN, Segunda (16/11).

Maske nune'e, nia dehan, uma ida ne'ebé antes ne'e hari'i husi empréza ida iha foho tutun Kutulau laiha kualidade tanba la tuir padraun ne'ebé ema hotu nia hakarak.

Tuir nia, uma ne'e rasik foin konstrui fulan ida, nia kondisaun rahun tiha hotu ona, iha laran ninia foru sira komesa aat ba daudaun.

Atu tau sasán sira ne'ebé ho folin mesak boot, millaun $5 to'o 6 iha uma ne'e nia laran, presiza iha kondisaun uma ne’ebé bele iha nia garantia ba sasán sira iha futuru.

Tanba ne'e, nia husu ba kontratór ka empréza ne'ebé antes ne'e halo, presiza atu haree fila-fali hodi hadi'a.

“Ha'u nota katak seidauk to'o estandarte ne'ebé maka tuir ita hotu nia hakarak. Maibé, prontu, ida ne'e maka ita nia kbi'it, ita nia kapasidade, ha'u hein katak iha futuru sei hadi'a atu nune'e bele sai di'ak liu”, nia dehan.(*)

PUBLISIDADE