PN Autoriza Reprezentante Povu Na'in-tolu Presta Deklarasaun iha MP

Plenaria Parlamentu Nasional Timor Leste Plenaria Parlamentu Nasional Timor Leste Foto Arkivu

Tempotimor (Dili)- Parlamentu Nasionál autoriza ona reprezentante povu na'in-tolu hodi ba presta deklarasaun iha Ministériu Publiku (MP).

Reprezentante povu na'in tolu ne'e mak hanesan Deputadu António da Conceição, husi Partidu Demokratiku (PD), Luis Roberto husi Partidu Kmanek Haburas Unidade Nasional Timor-Oan (KHUNTO), no Maria Angelina Sarmento Lopes husi bankada Partidu Libertasaun Povu (PLP).

Deputadu Kalohan presta ona deklarasaun ba MP iha loron 13 janeiru no Vise-Prezidente na'in-rua seidauk presta tanba seidauk iha data fiksu.

Sekretaria meza Parlamentu Nasional, Lidia Norberta informa, ho asuntu ne'e mak Parlamentu Nasional fóona votu autorizasaun ba deputadu na'in 3 atu ba presta deklarasaun ita iha MP.

"Iha periodu do dia iha kestaun tolu ne'ebe mak momentu ne'ebá ita deskuti buka atu fó desizaun, primeiru maka hasai imunidade ba señor Deputadu António da Conceição atu-bele ba presta informasaun balun tuir pedidu Ministériu Públiku nian, eh alende ida- ne'e ita mós fó autorizasaun ba Deputada Vise-Prezidente Maria Angelina Lopes Sarmento, nomos señor Deputadu Vice-Prezidente Luis Roberto da Silva atu ba mos presta deklarasaun hanesan testamuña", Deputadu Lídia dos Santos Martins, informa liuhosi konferénsia imprensa, iha PN, kinta (14/01).

Iha loron tersa liuba, PN autoriza deputadu António da Conceiçã, ho rezultadu votasaun a-favor 55, kontra 1, no apstensaun 6.

Nune'e mós votu ba deputada Maria Angelina Sarmento Lopes, a-favór 56, kontra 1, apstensaun 4 no nulu ida.

Purtantu ba deputadu Luis Roberto da Silva, ho rezultadu votasaun a-favór 56, kontra 1, apstensaun 4 no nulu ida.

"Parlamentu Nasionál ezerse nia funsaun ida hanesan lejizladór, maibé nia mos iha ninia devér ida atu- bele koopera ho orgaun soberania sira seluk, wainhira orgaun siberania sira seluk husu, entaun ne'e mak kestaun ida Parlamentu Nasional ezerse foin lalais iha plenaria hirak liu-ba hodi fo autorizasaun," nia fundamenta.

Deputada Lídia labele esplika motivu kazu tanba sei iha prosesu segredu justisa.

"Asuntu ida ne'e mos orgaun soberania ida, hanesan ohin dehan, segredu justisa ami sei la fó sai, wainhira kolega deputadu sira ne'e ba presta deklarasaun mak depois prosesu ne'e ba oin iha mudansa ou iha avansu ruma ou iha buat ruma ne'ebé mak nabilan ka la nabilan, ida-ne'e ita sei hetan iha faze tuir mai, mais la'os agora," nia hateten. (*)

Rate this item
(0 votes)
Last modified on Thursday, 14 January 2021 17:40
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks