Unidade foun rua ne'e mak Unidade Koordenasaun ho Komisaun Espesializada no Plenáriu (UCCEPPN) no Unidade Koordenasaun ho Bankada no Konferénsia Lider Bankada sira (UCBCLB).
"Unidade foun iha parlamentu rua, mak hanesan unidade ida-ne'ebé mk halo konta ba iha komisaun espesializada sira no unidade ida fali haree ba iha konferénsia líder bankada parlamentár,"dehan nia ba www.tempotimor.com iha gabinete MAPKOMS, Palásiu Governu, sesta (29/1).
Nia esplika, ho kriasun unidade rua ne'e sei fasilita servisu sira ho rapidamente, tanba kuandu iha buat ruma, ne'ebe mak iha relasaun ho sira-nia atividade, sira bele akompaña, bele fo informasaun lalais liu ba ministériu atu ministeriu mós bele informa direita ba membru governu tutela sira, sira bele informadu.
Nune'e mós posibilidsde presiza fó kedas resposta ba reprezentante povu sira.
Unidade rua ne'e kria tanba hetan autorizasaun husi orgánika ministériu ninian.
Entretantu Iha loron 26 Janeiru 2021, Xefe Gabinete Interina iha Ministériu ba Asuntu Parlamentár no Komunikasaun Sosiál, Felismina Joaquina Belo, akompaña ho Koordenadór-Jerál Gabinete Asuntu Parlamentár (GAP) Fernando Soares hala'o sorumutuk ho Sekretáriu-jerál Parlamentu Nasionál Adelino Afonso de Jesus, hodi aprezenta pesoál na'in-rua ne'ebé sei asume kna'ar nu'udár Koordenadora ba Unidade Koordenasaun ho Komisaun Espesializada no Plenáiu (UCCEPPN) no Unidade Koordenasaun ho Bankada no Konferénsia Lider Bankada sira (UCBCLB).
Aleinde Unidade rua ne'e aprovadu Estrutura Orgánika Funsionál MAPKOMS nian.(*)