Tuir PR Lú Olo, bainhira jura ona ba konstituisaun Repúblika Demokrátika Timor-Leste (K-RDTL) hodi hala’o devér hanesan reprezentante povu, mak tenke hala’o funsaun, labele abandona.

 “Deputadu sira nu’udar reprezentante povu iha PN,labele halai husi imi-niar responsabilidade, nein abandona imi-nia funsaun, tenke responsavél no perante ba povu ne’ebé fó ona fiar ba imi hodi asume kargu refere,” dehan Xefe Estadu liuhusi nia pedidu ba PN hodi estensaun ba EE Da-XI, Segunda (1/3).

 Iha pedidu ne’ebé halo leitura husi Sekretária meza PN, deputada Lidia Norberta katak, bainhira halo juramentu katak, jura hodi kumpri no halo tuir K-RDTL no lei hodi defende ema-nia moris, entaun deputadu no deputada sira labele abandona imi-nia funsun sira iha momentu ne’ebé defísil ba nasaun.

 “Nu’udar Prezidente Repúblika hamutuk ho povu sira, ejize ba ita-boot sir-nia devér,” katak PR.

 Nia akresenta, partikularmente, ema ne’ebé asume kargu polítika no públiku sempre hatudu ezemplu, tanba ne’e polítiku sira labele ignora responsabilidade ne’ebé iha.(*)