Haree ba serka sanitária ne’ebé estadu liuhusi governu aplika ba iha Munisípiu Dili, Baukau no Vikeke, ida-idak tenke uza konsiénsia atu kumpre regra ne’ebé di’ak.

“Estadu ka governu mós la dehan husik ba moras ne’e hanesan ida-idak responsabilidade ba nia-an, ha’u hanoin laiha. Sei la halo ida ne'e, ba ninia povu. Ne’ebé medida sei rigor, ita ida-idak mak tenke toma konsiénsia katak ida ne'e tenke kumpre tanba la'ós ba ema ida nia di’ak maibé ba ita hotu nia di’ak”, dehan nia iha PN, tersa (23/03).

Tanba, regra serka sanitária ne’ebé governu halo ne'e, sempre hetan kontra husi populasaun, nune'e autoridade sira fó sansaun, ida ne'e normal tanba lei ne’ebé de’it sempre ho ninia sansaun, inportante sidadaun ida-idak mak tenke hatene atu kumpre lei, no kumpre regra sira.

Maibé, tuir observasaun ne’ebé komisaun B deteta katak, durante ne'e parte autoridade seguransa ka Polisia Nasional Timor-Leste (PNTL) ladun utiliza regrasa.

“To'o ohin loron ne'e, PNTL sei tolera maka’as, sansaun ka koresaun ka medida sira ne’ebé iha ne'e seidauk uza barak. Ne'e mak as vezes ita dehan hei o ne'e viola ema nia diretu, ne'e la’e”, hatete nia.(*)