Desizaun ne’e provizoriu hodi hein desizaun ikus hafoin bele lori sai mate isin ba halot iha gatinha ne’ebé define.
Odete hamutuk ho pessoal profesiónal saude husi Sentru Intergradu Jestaun Krize (SIJK) to’o iha izolamentu kuaze oras tuku 17:55 otl hodi ko’alia ho Xanana Gusmão depois kontinua kedan konvense família.
"Solusaun ida agora dadaun mak Matebian tenke tau tiha iha konzelador, ha’u mai uluk atu hatete ko’alia mós ho maun boot atu tau tiha iha konzelador para konserva matebian nia isin”, dehan Odete bainhira konvense Família matebian Armindo iha izolamentu Vera Cruz Dili, tersa (13/04).
Iha fatin hanesan, Oan mane hanesan reprezenta husi família husu ba Ekipa SIJK atu foti lalais desizaun hodi família lori ba halot iha fatin ne'ebé seguru tanba mate isin sei bubu no posibilidade nakfera.
Maibe Odete esplika normalmente ema ruma mate sempre sona formalin, entaun Matebian Armindo dadaun ne'e seidauk lori ba hakoi no solusaun emidiata tenke konserva nia isin iha konzelador.
Tanba ne’e, laiha problema ida ne’ebé nunka iha solusaun, maibé nia parte la foti desizaun relasiona ho fatin hodi halot Armindo.
"Laiha problema ida ne'ebé laiha solusaun maibé tempu mak determina, la’ós ha’u mak foti desizaun," dehan Odete.
Entertantu, Armindo Borges ne'ebé diagnóstika mate tanba kauza Covid-19, iha loron tersa (13/04) kinta kalan tolu ona bainhira hakotu iis iha loron Dumingu (11/04).(*)
