Ministru Obrás Públiku (MOP), Salvador Pires hatete, orsamentu ne'ebé Konsellu Administrasaun husi Fundu Infraestrutura (KAFI) deside ba kontratu projetu urjente ne'e ho totál rihun US$314.

"Montante tuir rekomendasaun ne'ebé husi KAFI horseik (19/4), no tékniku sira hamutuk US$314 mill ba estrada ne'e”, dehan Nia hafoin vizita ba estrada iha Embaixada Japaun oin, tersa (20/04).

Durasaun tempu ba reabilitasaun estrada refere, iha tempu badak nia laran atu konklui, maibé la determina prazu.

"Obrá emerjénsia sé lais di'ak liután, hanoin katak ita fó tempu badak para sira bele ezekuta", dehan nia.

Reabilitasaun estrada hamutuk metru 51 ne'e permanente, nune'e sei uza Asphalt concrete.

Nune'e mós, Supervizor Kompaña Montana Diak, Leonito Moniz hatete, projetu ne'e urjensia, tanba ne'e parte sira sei aselera servisu atubele konklui iha fulan ida nia laran.

"Ami nia durasaun ne'e, fulan ida halo tenke hotu, ami garante, no prontu, tanba ami-nia sasán, fatuk alat brat sira, karreta kompletu, agora ami sementara uza hela rua, ami sei tula tan eksa mai tán, tanba ida ne'e urjensia, ne'ebé ami sei tula mai tán para servísu ne'e aselera liután, karreta ohin ami tula fatuk hamutuk 12", afirma. (*)