Diretór Ezekutivu Diresaun Nasionál Empregu Exterior (DNEE) husi Sekretáriu Estádu Formasaun Profisionál no Empregu (SEFOPE), Filomeno Soares afirma, traballadór na'in-rua ne'ebé dadaun hetan moras Covid-19 iha Korea súl ne'e, foin ba iha loron 30 fulan-marsu tinan 2021.
Traballadór foin lalais ba Korea súl ho aviaun Citilink ne'e, lolós hamutuk na'in 51, maibé halo teste SWAB na'in 3 pozitivu Covid-19, entaun 49 de'it mak ba, no ba to'o iha ne'eba agora na'in-rua mak pozitivu tán ona.
"Sira na'in-rua agora iha izolamentu Korea, sira 51 ne'e, na'in-3 hetan kedan Covid iha ne'e (Timor), na'in-rua ba mk hetan Covid iha ne'eba (Korea), 49 tama ba Korea, na'in-2 hetan Covid, na'in-47 mak la hetan Covid iha Korea", dehan nia ba www.tempotimor.com liuhusi telefone, tersa (20/04).
Ho kazu ne'e, dadaun parte SEFOPE nafatin kontaktu ho Human Resource Development (HRD) Korea nian iha Timor-leste.
"SEFOPE nafatin kontinua kontaktu ho HRD Korea husi HRD fó resposta mai katak, depois sira kumpri izolamentu hotu kontinua tama sebísu hanesan kolega sira seluk", nia haktuir
Nune'e, traballadór na'in-rua dadaun iha hela izolamentu hodi hetan asistensia iha nasaun Korea Súl. (*)