"Entaun oinsá mak atu hatene ema maioria nia hakarak ne'e?. Entaun ita tenke Estuda no halo peskiza, ita hatene populasaun Díli ne'e nia hakarak ne'e saida, no iha Ermera nia hakarak ne'e saida? Baukau saida Ainaru ne'e saida?. Atu hatene ne'e tenke tun ba halo peskiza”, dehan Virgílio ba jornalista iha Suai Room, Timor Plaza tersa (26/10).
Tanba dezenvolvimentu iha Timor-Leste ne'e atu halo satisfasaun ba ema maioria iha territóriu tomak.
Ho ida presiza peskiza iha terenu hodi hatene komunidade nia satisfasaun kona-ba nesesidade hafoin polítika na'in sira formula hodi elabora sai konseitu ida ne'ebé hanaran polítika públika.
"Bazeia ba polítika públika ne'e mak ita-nia polítiku na'in sira atu halo desizaun bazeia tuir komunidade nia nesesidade sira ikus mai halo tuir dezenvolvimentu tuir satisfasaun komunidade nian”, afirma nia.
Tanba KDA'I mós realiza semináriu ho thema "prosesu formulasaun polítika públika bazeia ba evidénsia esperiénsia iha Timor-Leste atu fahe hanoin ba públiku, Partidu polítiku sira, akademiku no estudante sira, kona-ba saida mak intende polítika públika no mós Polítiku bazeia ba evidénsia. (*)