Tempotimor (Díli)-Ministra Negósius Estranjeirus no Kooperasaun (MNEK), Adalzija Magno hatete, Timor-Leste (TL) vota kontra rezolusaun Asembleia Jerál ONU nian ne’ebé alerta embargu ba kilat (embargo da arma) ba nasaun Mianmar, tanba tuir konsisténsia estadu nian hahú dezde tinan 2010 to’o ohin loron.

“Iha polítika externa ne'e iha pozisaun hira mak ita nunka muda, maibé iha ne'ebé iha bele muda, ne'e mak ohin ha'u husu ba Governu atu haree filafali pozisaun kona-ba Míanmar. Tanba saida mak MNEK vota abstensaun?, Timor-Leste vota abstensaun ba Mianmar, ba rezolusaun dezde 2010 to'o ohin, entaun votasaun ne'ebé mak hala'o iha Nova Iorké ne'e konsisténsia husi polítika externa ba Mianmar ne'ebé mak estadu seidauk muda.  Se mak muda?. Tenke konsetrasaun tomak polítika nian”, deklara Ministra Adalzija iha palásiu Govern, kuarta (23/06).

Tanba ne’e, husu ba Parlamentu tau ideia atu revé filafali ba rezolusaun atu halo mudansa polítika komforme desizaun husi estadu rasik.

“MNEK halo tuir konsisténsia estadu ne'ebé mak deside ona polítika ne'e, mais ha'u hanesan MNEK ita mós tenke adota se sistema ne'e ezije dehan atu revé filafali ita bele revé maibé ne'e la'ós desizaun MNEK nian maibé tenke desizaun estadu, Prezidente Parlamentu mak tenke pronunsia”, esklarese nia.

Liga ba vota abstensaun ne'e laiha implikasaun tanba rezolusaun ida ne'e la kesi ema ida tanba ne'e rezolusaun ida husi Assembleia jerál.

Tuir informasaun ne’ebé fó sai husi mídia internasionál sira katak, rezultadu votasaun ba ezbosu rezolusaun ba situasaun iha nasaun Mianmar hatudu Timor-Leste hamutuk ho nasaun 35 vota abstensaun.

Estadu Timor-Leste reprezenta husi Ministériu Negósiu Estranjeiru no Kooperasaun (MNEK), iha loron sesta liubá, partisipa diskusaun no negosiasaun Asembleia Jerál Nasaun Unida (ONU) iha Nova Iorké, hodi organiza votu ba ezbosu rezolusaun kona-bá situasaun iha nasaun Mianmar.

Iha reuniaun no negosiasaun ne’e realiza tanba nasaun sira iha Uniaun Europeia (UE), ASEAN no nasaun sira seluk aprezenta ezbosu rezolusaun atu halo votasaun.

Iha votasaun ba testu ezbosu rezolusaun iha nasaun hamutuk 119 mak vota afavor, nasaun ida (Belarusu) vota kontra no nasaun 36 inklui Timor-Leste vota abstensaun. (*)

Tempotimor (Dili)-Primeira Dama Timor-Leste Cidália Nobre Mouzinho Guterres hatete, Gabinete Primeira Dama prontu apoiu sidaduan hotu tuir kbi’it, tanba odamatan nakloke hotu koloke atu hato'o proposta.

Tempotimor (Dili)-Xefe Estadu Maior Jenerál Falintil-Forsa Defeza Timor-Leste (F-FDTL), Tenente Jenerál Lere Anan Timur hatete nia parte lakohi governu loke konkursu públiku ba kompaña atu sosa materiál militár nia.

Tempotimor (Dili)-Sekretária Estadu Protesaun Sivíl (SEPS) liuhusi Diresaun Nasionál Prevensaun Konflitu Komunitáriu (DNPKK) rejísta kazu insidente hamutuk 757 no iha kazu 317 konsege rezolve iha tinan 2020.

Tempotimor (Dili)-Deputadu Bankada Partidu Demokrátiku (PD) iha Parlamentu Nasionál (PN), Mariano 'Asanmi' Sabino hatete, durante ne’e ko’alia hodi adere ba organizasaun Association of Southeast Asian Nations (AZEAN), maibé membru sira seluk lakohi Timor-Leste la presiza tama, iha jeografikamente hola parte ona.

Tempotimor (Dili)-Prezidente Parlamentu Nasionál (PN), Aniceto Longunhos Guteres Lopes, deside sei buka tempu hodi bolu Provedoria Diretu Umanu no Justisa (PDHJ) atu aprezenta relatóriu anuál 2020 ba deputadu iha plenária.

Tempotimor (Dili)-Provedoria Diretu Umanu no Justisa (PDHJ) rejista keixa kona-ba violasaun diretu umanu hamutuk 152 iha tinan 2020.

Tempotimor (Dili)-Sekretária Estadu Protesaun Sivíl (SEPS) liuhusi Diresaun Nasional ba Prevensaun Konflitu Komunitáriu (DNPKK) servisu hamutuk ho Plan International Timor-Leste (PITL) halo sensibilizasaun hodi prepara ajente Polísia Nasionál Timor-Leste (PNTL) rezolve problema ho profisionál.

Tempotinor (Dili)- Polísia Nasionál Timor-Leste (PNTL), liuhusi Komandu Munisípiu Dili (KMD), sei halo pasa revista ka ‘embuskada’ ba adeptus husi Portugál ho França iha fatin sanulu hodi asegura estabilidade seguransa.

Tanba, dala barak ona, bainhira jogu remata adeptu sira halo komboiu iha dili laran to'o provoka malu mosu tuda malu.

Jogu ba Taxa Euro Portugal kontra Fransa iha loron 24 fulan-juñu, tuku 04:00 oras timor-leste (otl), iha estadiu Puskás Aréna, Budapeste-Hungria. PNTL mós asegura estabilidade seguransa ba adeptu sira hodi evita kríme durante jogu la’o to’o remata.

"Ekipa ne'e orsida sei halo pasa revista iha fatin sanulu, ba fatin sira ne'ebé mak identifikadu ona, no husu ba adeptu sira halo movimentu nafatin kumpre kódigu estrada ninian no respeitu mós ema seluk nia direitu”, informa Komandante PNTL Munisípiu Dili, Superintendente Xefe Polísia, Henrique da Costa, iha Salaun Sorumutuk, Ministériu Interior (MI), Vilaverde, kuarta (23/06).

Maske identifika ona fatin, maibé komandu rasik la fó sai ba públiku no konsidera hanesan segredu atu nune’e adeptu sira la’o iha estrada públiku ho kuidadu no atensaun bainhira laiha dikumentu no asesoria transporte.

Tanba ne'e, husu ba adeptu sira iha Timor-Leste (TL), atu respeitu ema husi nasaun sira seluk nia simbolu hanesan bandeira, tanba iha nasaun sira seluk sidadaun sira respeita, maibé iha TL tanba de'it fanátiku ba Jogadór balun, ikus mai uza sala ema nia bandeira hodi tara halai tun sa'e.

“Tanba ne'e PNTL sei halo atuasaun nafatin hanesan iha semana rua kotuk konsege prende motorizada hamutuk (146), agora mós eskuadra polísia sira iha Munisípiu Dili nia ne'e sei aplika hotu ida ne'e", afirma nia.

Durante operasaun, komandu Munisípiu Dili sei hetan apoiu mós husi Komandu Jerál, inklui Unidade sira hanesan BOP, UEP, ho UPF, hodi halo patrollamentu ba to'o kada bairru sira, nune'e bele evita konfrontu.

"Labele uza motorizada kanu tesin ba gás iha fatin públiku no Bairu-laran hodi gangu ema seluk nia toba liliu ema oan nurak no moras sira deskansa, ita ba provoka no halo barullu”, haktenik nia. (*)

Tempotimor (Dili)-Ministru ba Asuntu Parlamentar no Komunikasaun Sosiál (MAPKomS), Francisco Martins Jerónimo, informa, sidadaun sira ne’ebé hakarak atu halo viajen ba munisípiu tenke hatudu kartaun vasinasau ba doze daruak.