Tempotimor (Díli)-Diretór Jerál Sekretariadu Tékniku Administrasaun Eleitorál (STAE), Acilino Manuel Branco hatete, timoroan sira ne’ebé servisu hela iha nasaun Canada iha posibilidade sei tuir eleisaun Prezidénsiai iha tinan 2022.

Tempotimor (Dili)-Governu liuhusi Vise Ministru Administrasaun Estatal (MAE), Lino de Jesus Torrezăo, deskorda (kontra) opiniaun sira husi públiku ne'ebé durante lansa hodi deskonfia prosesu selesaun ba kandidatu Prezidente Autoridade Munisipál (PAM) no Administradór Munisípiu maioria ema husi militante no kuadru partidu Frente Revolusionária Timor-Leste Independente (Fretilin).

"Agora, ha'u atu hatete buat ida mak ne'e, ita polítiku sira ne'e, barak liu mak polítika administrasaun públika ne'e maka'as liu. Agora ha’u hatete dehan, sé ema ne'ebé tuir selesaun pur-méritu, ema ne'e mai mak CNRT, PLP, KHUNTO de'it, ou Fretilin de'it, sira mai hotu. Sé sira-nia valór ne'e la di'ak, ita atu foti nia tau loos de'it ka?. Ita tau ba ida ne'e, purke nia valór di’ak ne'e. Ida ne'e ita atu halo nusá”, esklarese Lino Torrezăo, iha salaun Lalini Larigutu-CNE, Kolmera, tersa (22/06).

Ba selesaun sira ne'ebé durante ekipa juri hala'o iha MAE nian laran, haree tuir méritu husi kada individu ka kandidatu sira-nia kapasidade pesoál.

"Ida ne'e mak ema dehan selesaun pur méritu ba ezame. Ezame ó hetan valór di'ak mak ba ka. Agora, barak politiza, kuandu la hetan ona politiza dehan, mesak Fretilin nian mak ba, sala. Tanba Fretilin ne'e ema barak mak tuir ne'e, e PLP mós mai ema barak mak tuir. Ita la tuir ona, sei ko’alia. Depois tuir tiha mak la liu mós, ko’alia nafatin. Ida ne'e mak laloos”, afirma nia.

Kona-ba progresu selesaun ba kandidatu Prezidente Autoridade Munisipiu (PMA) no Administradór Munisípiu sira, atinje ona pursentu 98 (90%), tanba sei hela munisípiu Manufahe nian ne'ebé oras ne'e sei pendente hela iha Konsellu Ministru (KM).

Maibé ba PAM Dili nian, sira hala'o konsellu konsultivu no hein de'it MAE atu aprezenta ba reuniaun KM.

“Agora, fatin 4 ninian, Bobonaru, Ermera, Manatutu ho Likisá, ne'e delibera tiha ona e administradór sira mós ezonera tiha ona, sai tiha jornal da repúblika ona. Agora, sé mak interinu iha ne’ebá, hein toma-de-pose”, informa nia. (*)

Tempotimor (Dili)-Ministru Defesa (MD), Filomeno da Paixão de Jesus, hatete, kandidatura Falintil-Forsa Defesa Timor-Leste (F-FDTL) dadaun ne’e tuir hela teste psikosomatiku psikofiziku atu determina kandidatura 600 hosi ne’ebé tuir teste 2.400.

Tempotimor (Díli)-Vise Ministru Administrasaun Estatal (MAE), Lino de Jesus Torrezăo hatete, estudante husi Munisípiu ne'ebé kontinua estudu iha Díli bele vota livre hodi bele vota iha sentru votasaun Paralelu.

Tempotimor (Dili)-Ministru Defeza (MD), Filomeno da Paixão de Jesus hatete,  Austrália sei konstrui Portu rua ba komponente Naval Falintil-Forsa Defeza Timor-Leste (F-FDTL) atu atraka ró.

Tempotimor (Dili)-Deputada Bankada Congresso Nacionál de Reconstrução de Timor (CNRT), Carmelita Caetano Moniz, konsidera Ministériu Públiku hala'o servisu la independente no imparsial, tanba ingnora keixa husi bankada CNRT.

Tempotimor (Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo hatete, pozisaun governu la disponivel atubele fó esplika preokupasaun deputadu kona-ba implementasaun vasinasaun AstraZeneca, maibé governu hein pedidu husi Parlamentu Nasionál (PN).

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19  iha Timor-Leste, Rui Maria de Araújo hatete, kazu pozitivu Covid-19 ativu iha loron tersa (22/06) rejista husi iha Timor-Leste hamutuk 1.000 no kazu foun 53.

Tempotimor (Dili)-Ministra Saúde (MS), Odete Maria Freitas Belo, konsidera laiha problema ba vasina AstraZeneca, tanba Organizasaun Mundiál Saúde (OMS) la ko'alia risku kona-ba vasina refere, maibé fó sai ninia impaktu pozitivu ne’ebé hasa’e imunidade sidadaun.

Tempotimor (Dili)-Bankada Frente Revolusionáriu Timor-Leste no Independente (FRETILIN) fó apoiu ba Governu liuhusi Ministériu Saúde (MS) atu kontinua mantein vasina AstraZeneca iha Timor-Leste.