Ministru Jerónimo hatete, preokupasuan kona-ba bee moos ne'e deputadu Komisaun D PN mak levanta iha plenária semana kotuk, atu transforma ba iha Ministériu Obras Públika.
"Kona-ba ita-boot sira nia preokupasaun bee moos ne'ebé levanta ona iha semana kotuk, ami entrega ona ba iha ministériu relavante," dehan nia, iha plenária PN, Segunda (20/7).
Nia promete, kuandu iha ona resposta ruma husi MOP maka MAPKomS sei mai fali para atu justifika hikas rezultadu ba deputadu sira.
Molok ne'e, deputadu Bankada Partidu Demokrátiku (PD), Mariano Assanami Sabino husu ba governu atu halo polítika jerál kona-ba kanaliza bee moos ba komunidade sira iha territóriu Timor laran tomak.
"Ha'u husu ba governu liuliu ba Ministériu Obras Publika atu hala'o polítika jeralmente kona-ba inisia bee moos ba komunidade sira, tanba komunidade sira iha Timor-Leste barak mak seidauk asesu ba bee moos," dehan nia.
Nia fó ezemplu, iha Munisípiu Dili, hanesan Suku Bekora no Suku Komoro, to'o agora komunidade sira preokupa ho bee moos, satán iha munísipiu. (*)