Komandante Polísia Munisípiu Dili, Superintendente Xefe Henrique da Costa hatete, atividade operasaun pasa ravista ba dokumentu, nomós ba iha arma branka nafafin hala'o hodi bele halo prevensaun ba asidente tráfiku, no krime seluk.

“Husi operasaun refere konsege prende motorizada hamutuk 79, no karreta taxi ida”, dehan Henrique iha Komandu Munisípiu Dili, Kaikoli, sesta (04/03).

Ba operasaun ne'e, hala'o iha fatin hitu husi eskuadra sira, seksaun no hetan apoiu husi Unidade Espesiál Polísia, Unidade Polísia Marítima.

Entretantu viatura sira ne'ebé prende, tanba balun lalori dokumentu, balun dokumentu mak laiha, no asesória hanesan espelu, xapa matrikula motorizada lakompletu.

“Motorista sira ne'e ita aplika kedan bilete ba sira hodi ba selu koima iha banku”, esplia nia. (*)