"Relasiona ho karreta sira ne'ebé para arbiru iha dalan públiku ne'e, ita sei orienta ekipa zebra atu nafatin tau atensaun ba fatin refere, tanba karreta para nafatin hanesan ne'e okupa tiha fali dalan ema la'o nian”, dehan Komadante PNTL Munisípiu Dili, Superintendente Xefe Henrique da Costa, iha Komandu Munisípiu Dili, Kaikoli, tersa (08/03).
Tanba, dadaun ne'e PNTL identifika ona fatin públiku balun ne'ebé karreta para arbiru, nune'e ekipa zebra sira sei halo operasaun ba fatin refere.
“Sim, ita identifika ona fatin sira ne'e, no ita orienta ona ita-nia parte ekipa zebra, hodi atu kontrola iha ne'ebá nafatin, hodi haree ba ema sira ne'ebé nafatin para karreta arbiru ne'e, nune'e bele kontrola di'ak liután ema seluk nia viajen”, esplika nia.
Nune'e, nafatin apela ba komunidade sira ne'ebé iha karreta, atu respeita regra kódigu estrada no hatene fatin ne'ebé mak merese para karreta no ida ne'ebé mak lae, atu labele impede ema seluk nia movimentu. (*)