“Durante kampaña semana rua nia laran ne'e, buat hotu la'o ho di'ak nune'e, Primeiru agradese ba na’in kandidatura sira, segundu ami fó parabéns ba ekipa susesu kandidatura sira-nia, nune'e mós parabéns ba hothotu e parabéns ba povu tomak, que barak halo kooperasaun di'ak ho PNTL entaun buat hotu la'o ho di'ak durante iha tempu kampaña nia laran ne'e”, dehan Komandante Jerál Faustino da Costa, iha Komandu Jerál, Kaikoli, kinta (17/03).
Tanba ne’e mak situasaun espesifiku ne'ebé omandu Jerál PNTL atualiza, katak seguransa ba kampaña ne'ebé liu ona ho susesu no eleisaun ne'ebé sei akontese iha loron 19 fulan-marsu, maibé presiza nafatin kooperasaun no apoiu husi parte hothotu, nune'e garante liután seguransa ba festa demokrasia ne'e.
Maske iha akontesimentu balun, hahú iha Munisípiu Vikeké, Baukau to’o Dili, maibé ida ne'e prosesu intituisaun PNTL ho orgaun eleitorál sira nafatin haree no kontinua hela prosesu.
"Espera iha loron 19 marsu sei hetan rezultadu ida ne'ebé di'ak ba festa demokrasia nia, nune'e ita hothotu sei bele hala’o nafatin ita-nia servisu hotu ho di'ak no hakmatek”, dehan nia. (*)