Komandante Munisípiu Dili, Superintendente Xefe Henrique da Costa hatete, komandu munisípiu Dili koloka ona membru sira atu asegura asegura sentru votasaun durante prosesu eleisaun Prezidensiál.
“Ita koloka seguransa direita ba iha sentru votasaun sira ne'e, hamutuk ita-nian pesoál sira 313, no restu ita sei tau seguransa nian para nune'e bele responde kualker situasaun saida de'it mak mosu”, dehan Henrique, liuhusi telefone, sábadu (19/03).
Tanba iha munisípiu Dili iha sentru votasaun hamutuk 130, no estasaun votu hamutuk 237 ne’ebé orgaun eleitorál prepara ba elitór sira hodi bele ezerse sira-nia direitu.
Entretantu komandu PNTL Munisípiu Dili hetan apoiu másimu husi Unidade espesiál Polísia (UEP), Unidade Polísia Maritima (UPM), Unidade Polísia Fronteira (UPF) no Kuartel Jerál. (*)