Komandante Unidade Patrulla Fronteira (UPF), Superintende Euclides Belo hatete, orientasaun ne’ebé PNTL hala'o Patrullamentu hodi garante vizilánsia konsege kaptura sidadaun Timoroan ida ho naran inisiál MG ne’ebé lori Aikameli ba Indonézia.

“MG mia mak nain ba Aikameli enkuantu manu aman ho kilat dei deskuñesidu. Agora UPF intensifika operasaun hodi buka tuir”, dehan Komandante Euclides Belo ba jornalista sira iha Timor Plaza, segunda (06/06).

Iha mós aprensaun ba manu ilegál Bangkok 12 no kilat manu hamutuk 17 ho nia mola plastiku tolu ne’ebé identifika maibé nia na’in halai lakon no seidauk identifika.

“liuhusi orientasaun ne’ebé mak ita fó para komprimenta patrullamentu iha liña fronteira hodi garante vizilansia ne’ebé ohin dader segunda feira (06/06) Patrullamentu UPF nian iha postu Memo halo aprensaun ba manu ilegál Bangkok 12 no kilat manu hamutuk 17 embora ida ne’e mola kilat nian plastiku tolu e na'in ba sasán sira ne’e deskoñesidu” dehan nia.

Aikameli karon ida ne’e deskonfia husi Timor mak atu lori tama ba nasaun viziñu Indonézia maibé sasán seluk hanesan kilat manu ho nia mola inklui manu Bangkok 12 ne’e deskonfia husi Indonézia mak lori tama mak Timór.

Governu Timor-Leste la bandu atu sidadaun Timoroan atu halo negosiasaun ho Indonézia maibé halo negosiasaun tenke liuhusi odamatan boot maibé labele liuhusi dalan ilegál.

Dadaun ne’e Ekipa PNTL liliu Unidade Patrulla Fronteira buka tuir hela na’in ba sasán aprensaun sasán hirak ne’ebé mak halai lakon ona. (*)