“Ita-nia forsa seguransa ne'ebé responsavel ba lei orden públiku depende nafatin ba estatutu funsaun públika nian husi Dili. Tan ida-ne’e mak to’o ohin loron problema barak iha PNTL nia laran. Presiza rona direitus hanesan performa, direitu la’ós oituan, direitu ne’e barak ne'ebé ohin loron ne’e hanesan ita seidauk sai lolos husi estatutu para ida-idak hatene nia direitu e servisu”, dehan nia iha Sala Komisaun B Parlamentu Nasionál (PN), kuarta (15/06).

Estatutu ba membru PNTL sira importante, atu to’o sa tinan mak sira bele adquere direitu ida-ne’e, tanba ne’e importante mós iha organizasaun hothotu ne'ebé hakarak hamriik hanesan organizasaun politika ka organizasaun pesoál ne'ebé presiza estatutu.

“Ne'e sempre Importante. Agora PNTL ne'ebé hanesan responsavel ba seguransa interna to’o ohin loron katak laiha estatutu siknifika la hatene preokupasaun husi ne'ebé, tan ida-ne’e mak Ministru sira troka malu hira ona, Komandante hira ona mak hanesan biblia ne'ebé PNTL ninian to’o ohin loron”, haktenik nia.

Maibé Komisaun B laiha direitu atu aprova estatutu, tanba estatutu ne'e intrega fali ba Governu foun, tanba tinan hira ona hahú 2008 to’o 2022 tinan lima maibé seidauk hatene.

“Konforme informasaun ne'ebe Ministru sira mai relata iha komisaun B katak ohin loron ne’e estatutu pesoál PNTL agora iha ona ekipa de asesór juridiku parte defeza nian”, dehan nia.

Komisaun B ejize nafatin atu iha mandatu bele iha ona maibé importante tebes halo lalais estatutu pesoál PNTL, Tanba ne’e mak konforme kompromisiu hanesan Ministeriu Interior promete katak la kleur bele aprova ona estatutu pesoál PNTL nian. (*)