Tuir informasaun ne’ebé www.tempotimor.com, asesu iha pájina Relasaun Públika F-FDTL, tersa (26/07) katak, enkontru bilaterál entre Xefe Estadu Maior Jenerál na’in-rua ne’e, fas parte iha Konferénsia nivél Xefe Estadu Maior Jenerál nian husi INDO-PACIFIC ne’ebé hanaran Chiefs Of Defense Conference (CHOD) enkontru ne’e kada tinan sempre hala’o, no tinan ida-ne’e Nasaun Austrália mak sai nu’udar uma na’in ba eventu ne’e.

Objetivu husi enkontru ne’e oinsá atu hametin liutan kooperasaun Tékniku Militár entre Forsas Armadas Nasaun rua iha futuru oin mai, Austrália prontu nafatin apoiu membru FALINTIL-Forsa Defeza Timor-Leste (F-FDTL) iha kapasitasaun ba Militár F-FDTL ne’ebé mak F-FDTL persiza. (*)