“Problema ne'e la'ós foin mak mosu iha tempu ne'e la’e, desde ke inisiu rekrutamentu iha rejime konkursu públiku ba Polísia Nasionál ninian, ne'e hatete kedas kada rekrutamentu tenke koloka pursentu 15 husi feto, agora 15 pursentu ne'e ita fó mais kada rekrutamentu nunka se atinje ida-ne'e entaun saida mak ami halo iha pasadu, iha tinan 2008 mai ami halo vídeo badak ida kona-ba ami uza ami-nia femenina sira, halo ninia sensibilizasaun hodi hatudu katak, feto mós bele”, deklara Komisáriu Faustino ba jornalista sira iha Komandu Jerál PNTL, Kaikoli, sesta (12/08).

Tanba ne’e, atividade saida mak Prezidente Repúblika hato'o husu hanesan instituisaun rua, PNTL ho F-FDTL atividade extra, parte halo polísia komunitária, bele serbisu hamutuk ho forsa atubele hadi’a kondisaun ida-ne'e buat ida ne’ebé kapás atu dehan katak iha tinan balun, halo situasaun ne’e.

Bainhita ko'alia kona-ba rekrutamentu foun presiza Governu tau osan hodi hadi’a militár no PNTL sira-nia kondisaun no situasaun ne’ebé enfreta hodi bele halo atendimentu no fó seguransa ba públiku.

“Ohin ko'alia kona-ba rekrutamentu, ita presiza ema estadu mós tenke tau osan, Governu tau osan, entaun saida mak ami foti iha ne'ebá katak, primeiru moderniza ekipamentu sira membru sira polísia ninia, agora kestaun mak bele fundu mai husi ne'ebé se mak atu apoiu fundu ruma, ne'ebé ita atu hadi’a ponte ruma eskola ruma, klínika ruma ida ne'e ha'u hanoin parte Ekipa Enjeñaria mós hasoru situasaun ida-ne'e”, afirma nia.

Ba kestaun rekrutamentu ne'ebé sei halo akompaña husi Ministériu Interior, no Komandu Jerál PNTL, no Xefe Mior Jenerál FALINTIL-Forsa Defeza Timor-Leste (F-FDTL). (*)