Neglizensia Umana, Semana Ne'e Ema Na'in 6 Lakon Vida

Kareta ne'ebe soke iha Bidau Lecidere, besik diresaun Otel Novo Turizmu nia oin iha inisiu fulan Setembro tinan ne'e Kareta ne'ebe soke iha Bidau Lecidere, besik diresaun Otel Novo Turizmu nia oin iha inisiu fulan Setembro tinan ne'e Foto arkivu

Tempotimor (Dili)-Maske Fulan Outubru ohin foin tama ba loron 15, maibé durante semana rua nia laran ne'e sidadaun na'in neen mak tenke husik hela mundu, tanba uza transporte (motor no kareta) la kontrola ho di'ak.

Liga ba situasaun lakon vida ne'e, Komandante Jerál Polísia Nasionál Timor-Leste (PNTL) Komisáriu Faustino da Costa katak, asidente sira ne'e akontese hodi rezulta vítima sira, tanba neglizensia umana.

"Situasaun rodoviáriu, iha semana ida ne'e nia laran, asidente hamutuk 36 ne'ebé rezulta ema na'in ne'e mak mate ka lakon vida," dehan Komjer PNTL Komisáriu Faustino da Costa iha Palásiu Prezidensiál bairru-pite, Kinta (15/10).

Komjer mós akresenta, asidente sira ne'e mosu, tanba hahalok ema nian ka konduz transporte la ho kuidadu ka neglizensia umanu.

"Hanesan akontese iha domingu dadersan iha Dili, motor korta kareta, entaun xoke, hanesan iha Lospalos ne'ebé kareta monu rezulta ema mate inklui mós iha Baukau ne'ebé kareta tula sasan todan maibé la kontrola, entaun xoke motor no ema balun lakon vida," nia tenik.

Kona-ba vítima sira ne'ebé hetan kanek todan no kanek kaman halo hela tratamentu saúde iha ospitál no sentru saúde sira ne'ebé besik.

Entretantu, kona-ba situasaun jerál iha teritóriu nasionál la'o di'ak, maske mosu asidente trafegu iha fatin-fatin. (*)

Rate this item
(0 votes)
Last modified on Friday, 16 October 2020 08:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2020 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Tempo Timor Networks