Tanba kandidatu ne’ebé tuir teste hamutuk 2.400 mak husi totál efetivu sei inkorpora tama ba instituisaun F-FDTL hamutuk ema na'in-600 ne’ebé 300 prioridade ba jerasaun patriota.

“Agora ami sei halo avaliasaun sé mak liu no sé mak la liu, mais ami sempre fó prioridade ba jerasaun patriota maibé jeraun patriota foun lalais ne'e la'ós oituan, orasida la fó ba ida ne'e mós hirus, fó ida nia kontente maibé pasiénsia ne'ebé la liu, la liu ona, tanba ita-nia forsa presiza tinan ida ne'e 600 no husu ba  jerasaun patriota imi 5 mill ne'e la bele tama hotu no 5 mill ne'e ita bele dehan katak 200 ou 300 ha'u konta katak sira (jerasaun patriota) bele tama”, dehan Lere hafoin reuniaun ho Prezidente Repúblika, Francisco Guterres 'Lú Olo', iha palásiu prezidensiál Bairopite, kuarta (28/07).

Maibé husu ba kandidatu sira selu-seluk la bele ezije instituisaun F-FDTL sei estuda hela no estuda hela ba rekrutamentu ba tinan 2022, tanba iha fulan-outubru 2022 preparativu komesa ona.

“Sira ne'ebé sei iha idade menor ne'e 18 até 30 anos bele taka filafali, entaun tinan oin sira mai konkore fali ninia dokumentu sira ne'ebé iha ona mai de'it dehan ita-boot uluk la pasa tanba ida ne'e, ne'e agora teste filafali keta di'ak karik, duké ita halo fali foun ne'e osan hira mak ita la gasta e ami mós bele koordena maibé ne'e ha'u-nia pensamentu de'it, hanoin de'it bele koordena ho Ministériu Interior ka Komandu polísia nian ne'e presiza mak ne'e ona, imi lori ida ne'e ba polísia ne'e bele hotu tanba poupansa osan”, dehan nia.

Antes ne’e deklara ona rekrutamentu ba membru foun ne'ebé prepara iha faze selesaun direitu ba sidadaun hothotu nia oan la'ós ba veteranu nia oan, tanba ne’e vaga 300 sei priense husi joven sira ne’ebé la tama iha jerasaun patriota. (*)