Suspeitu na’in-tolu ne'e ho identidade inisiál R kaptura iha área Bekora, A ho R ba entrega-an rasik iha Komandu Munisípiu Dili.
Hafoin entrega-an, PNTL liuhusi servisu investigasaun halo kedan identifikasaun ba suspeitu sira inklui hala’o mós prosesu inkéritu hodi hein prosesu autu notísia hato'o ba Ministeriu Públiku (MP).
Enkuandu, insidénte ne'e mosu iha loron kinta (05/08), maizuomenus tuku 18:00, oras lorokraik, iha área Bebora, Suku Motael, Postu Administrativu Vera Cruz, Munisípiu Dili.
Tuir observasaun www.tempotimor.com iha terrenu nota, bainhira suspeitu sira ne'e to'o iha Komandu Munisípiu Dili, akompaña husi kuadru balu husi partidu Frenti Revolusionáriu Timor-Leste Independente (FRETILIN) inklui mós kuadru balu husi Partidu Congresso Nacional Reconstruçăo Timorense (CNRT) ne’ebé akompaña vítima Leandro Xena, hodi hato'o mós nia keixa hasoru suspeitu sira. (*)