"Pasa revista ka cheek point, ita oras ne'e dadauk ita tama ona movimentu normal, maske Dili sei serka sanitária. Ita-nia konfinamentu obrigatóriu jerál ne'e la extende ona, kerdijer ke movimentu kapitál Dili, la'o hanesan baibain, e pasa resvita mós ita komesa hahú hanesan tempu hirak uluk liu ba", dehan Komandante Tránzitu Munisípiu Dili, Inspetór Xefe, Domingos Sarmento Gama, iha Kaikoli, segunda (20/09).

Tuir oráriu, kada semana, PNTL Dili sei hala'o atividade operasaun ba dala tolu ho másimu iha kapitál nasaun laran, hodi kontrola sidadaun ka motorista sira ne'ebé kondúz transporte motorizada ho karreta, maibé sei kontinua vióla lei kódigu estrada.

"Ita mós cheek point fim de semana, horisehik domingu (19/09), ita halo cheek point iha área Merkadu Lama ita konsege prende motorizada 53. sábadu (18/09), ita prende transporte públiku hamutuk 16, karreta 13, dokumentu, nomós motorizada 2", relata nia.

Nune'e, evidénsia sira ne'ebé PNTL prende durante semana ikus ne'e, entre sábadu ho domingu, prende evidénsia 69 tanba envolve iha infrasaun.

"Iha parte infrasaun hirak ne'e nafatin, transporte sira ne'ebé mak laiha dokumentu, la uza xapa matrikula, e balu mós kondutór sira, motorista sira laiha karta kondusaun", hatete nia.

Tanba ne’e, husu ba sidadaun ne'ebé kondúz motorizada ho karreta iha sidade, tenke obedese ba lei kódigu estrada no tenke iha dokumentu transporte, motorizada, karta kondusaun, no uza kapasete. (*)